"დორტმუნდმა" "ფრაიბურგის" აწ უკვე ყოფილი ნახევარმცველი მაქსიმილიან ფილიპი დაიმატა. როგორც გერმანული კლუბის ოფიციალური ვებგვერდი იუწყება, 23 წლის ფეხბურთელმა კლუბთან კონტრაქტი 2022 წლის ივლისამდე გააფორმა.
ფილიპი "ფრაიბურგის" სარეზერვო შემადგენლობიდან მთავარ გუნდში 2014 წელს დააწინაურეს. ფეხბურთელმა გასულ სეზონში 27 მატჩში 9 გოლი გაიტანა და 5 საგოლე გადაცემა შეასრულა. გავრცელებული ინფორმაციით, მაქსიმილიანის სანაცვლოდ "დორტმუნდმა" 20 მილიონი ევრო გადაიხადა.
