აკაკი ხუბუტიას მამა გარდაეცვალა: 59 წლის ონისე ხუბუტიას ხვალ დაკრძალავენ. როგორც იცით, აკაკი რუმინეთის "გაზ მეთანშია" და 26 მაისს "პანდურისთან" ჩემპიონატის მატჩი გაუცდა, რადგან იმ დღეს თბილისში გამოფრინდა.
როგორ აფასებენ აკაკი ხუბუტიას რუმინეთში, ეს სწორედ ხსენებული მატჩის წინაც გამოჩნდა. "პანდურისა" და "გაზ მეთანის" ფეხბურთელებმა, მწვრთნელებმა და გულშემატკივრებმა წუთიერი დუმილით პატივი მიაგეს ონისე ხუბუტიას ხსოვნას. დაგვეთანხმებით, მართლაც კარგი ჟესტი იყო რუმინელებისგან.
