ფეხბურთი

16:02 | 22.12.2016 | ნანახია [] - ჯერ

ფუტსალის ლიგა 2016/17: 2016 წელს მეხუთე ტურის შეხვედრები დაასრულებს

23 დეკემბერს, თბილისის ოლიმპიურ სასახლეში საქართველოს ფუტსალის ლიგის V ტურის შეხვედრები გაიმართება, რის შემდეგაც ჩემპიონატში ზამთრის შესვენება გამოცხადდება.

2016 წლის ბოლო სათამაშო დღე, გათამაშების ორი აუტსაიდერის, მფკ მგლებისა და შავი ზღვის საერთაშორის უნივერსიტეტის კლუბის (იბსუ) დაპირისპირებით დაიწყება. თუკი მგლების ფეხბურთელებს წინა ტურში განცდილი მწარე მარცხის გამო რეაბილიტაცია სურთ გულშემატკივრის წინაშე, „სტუდენტები“ ოთხი უშედეგო ტურის შემდეგ ეცდებიან პირველი ქულების მოპოვებას.

წაუგებელი სერიის წარმატებით გაგრძელებას შეეცდება მიმდინარე სეზონის დებიუტანტი და მთავარი აღმოჩენა მფკ აგორა, რომლის მეტოქეც წლის ბოლო დაპირისპირებაში, სატურნირო ცხრილის მეზობელი, თბილისი ვარიორსი იქნება. მატჩი 14:00 სთ-ზე დაიწყება.

16:00 სთ-ზე დაიწყება, სატურნირო თვლასაზრისით კიდევ ერთი მნიშვნელოვანი შეხვედრა, რომელშიც ერთმანეთს მფკ თბილისი და ბათუმისსახელმწიფო უნივერსიტეტის კლუბი დაუპირისპირდებიან. სამი ქულის მოპოვების შემთხვევაში, ორივე გუნდს აქვს შანსი წელი საუკეთესო ხუთეულში დაასრულოს.

ტურის ცენტრალურ შეხვედრაში, 18:00 სთ-ზე, ერთმანეთის პირისპირ, სატურნირო ცხრილის ერთპიროვნული ლიდერი მფკ ტატიშვილი და მესამე ადგილზე მყოფი დინამო ბათუმი წარსდგებიან. თუკი „მედიკოსების“ მოგებათა სერია ოთხ შეხვედრას ითვლის, ბათუმლები ბოლო სამ შეხვედრაში ასპარეზობენ უდანაკარგოდ და ამ მხრივ ფავორიტ მეტოქესთან სერიოზული გამოცდა ელით.

2016 წელი, სტუ-თელასისა და მფკ აფხაზეთის დაპირისპირებით დასრულდება. „ენერგეტიკოსები“ მთავარ კონკურენტს ორი ქულით ჩამორჩებიან და მათი მთავარი მიზანი წელს სწორედ ამ სხვაობის შენარჩუნება იქნება. „შავიზღვისპირელები“ კი ბოლო ტურებში განცდილი უიღბლობების შემდეგ შეეცდებიან ფავორიტთან შეხვედრაში ღირსეულად იასპარეზონ. ტურის დასკვნითი შეხვედრა 20:00 სთ-ზე დაიწყება.

23.12.2016. საქართველოს ფუტსალის ლიგა. V ტური

12:00 მფკ იბსუ - მფკ მგლები

14:00 მფკ თბილისი ვარიორსი - მფკ აგორა

16:00 მფკ თბილისი - მფკ ბსუ (ბთ)

18:00 მფკ ტატიშვილი - მფკ დინამო (ბთ)

20:00 მფკ აფხაზეთი - სტუ-თელასი

ჩემპიონატის პარტნიორები და მხარდამჭერები არიან: სილკ უნივერსალი, სპორტული ბრენდი „SALLER”, “წყალიმარგებელი“, იურიდიული ჯგუფიერისთავი და პარტნიორები“, „ტატიშვილის სამედიცინო და სპორტული რეაბილიტაციის ცენტრი“, სასტუმრო Bella Costa

მედიაპარტნიორები: რადიოები, “თანამგზავრი 92,3“, „იმედი“, JAKO FM, „კომერსანტი“, ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, გაზეთილელოდა სპორტული ჟურნალიათიანი“.

სპორტულისააგენტო SBM-ის პრესსამსახური / sbm.ge

Loading...
0.142211