სხვა

19:54 | 4.12.2016 | ნანახია [] - ჯერ

ბრინჯაოს ევროდებიუტი

ქართველმა ძალოსანმა გიორგი დოკვაძემ ისრაელში დღეს დაწყებულ ევროპის ახალგაზრდულ ჩემპიონატზე მცირე ბრინჯაოს მედალი მოიპოვა. დოკვაძე ევროკონკურენციაში 20-წლამდელებს შორის ჩაება და პირველი მოძრაობა – ატაცი 99 კილოგრამით დაასრულა. აკვრაში კი 124-კილოგრამიანი შტანგა დაიმორჩილა და სწორედ ამ შედეგით დაიკავა მესამე საპრიზო ადგილი. ორჭიდის ჯამში ახალგაზრდა ქართველმა სპორტსმენმა 223 კილოგრამი დააგროვა და მეოთხე ადგილზე გავიდა. ევროპის ჩემპიონი უკრაინელი დიმიტრი ვორონოვსკი გახდა, 236 (105+131) კილოგრამით.

სოციალური ქსელით გავრცელდა საქართველოს ძალოსანთა ეროვნული ნაკრების მთავარი მწვრთნელის - გიორგი ასანიძის კომენტარი, რომელიც გიორგი დოკვაძის წარმატებულ სტარტს უკავშირდება.

„დოკვაძე პირველად გამოვიდა საერთაშორისო ასპარეზზე და ყველაფერი კარგად გააკეთა. ექვსივე მისვლა გამოიყენა, რაც დასაფასებელია. მისთვის ეს კარგი სტარტია და მომავალ წელს, როდესაც მოუწევს საკუთარ ასაკში ევროპის და მსოფლიოს ჩემპიონატზე გასვლა, უკვე მეტი გამოცდილებით და თვითრწმენით გააკეთებს ყველაფერს. გილოცავთ ყველას ამ პირველ მედალს" – აცხადებს ასანიძე.

0.131655