"მანჩესტერ იუნაიტედის" სექტემბრის თვის საუკეთესო ფეხბურთელი 18 წლის მარკუს რეშფორდი გახდა. როგორც კლუბის ოფიციალური ვებგვერდი იუწყება, ინგლისის ეროვნული ნაკრების თავდამსხმელმა გამოკითხვაში "წითელი ეშმაკების" გულშემატკივრების 45% მიიღო. მეორე ადგილზე ანდერ ერერა (29%) გავიდა, ხოლო მესამე პოზიციაზე ხმების მეოთხედი წილად ზლატან იბრაჰიმოვიჩს ხვდა.

რეშფორდმა გასულ თვეში 6 მატჩი ჩაატარა და 3 გოლი გაიტანა. ახალგაზრდა მოთამაშემ თავი "ნორთჰემპტონთან" ლიგის თასზე გამოიჩინა, ხოლო პრემიერლიგაში გოლები "უოტფორდს" და "ლესტერს" გაუტანა.