ფეხბურთი

18:31 | 15.07.2016 | ნანახია [] - ჯერ

უკრაინის ნაკრები შევჩენკომ ჩაიბარა

უკრაინის ეროვნული ნაკრების მთავარი მწვრთნელის თანამდებობაზე ანდრეი შევჩენკო დაინიშნა. როგორც უკრაინის ფეხბურთის ფედერაციის ოფიციალური ვებგვერდი იტყობინება, ფედერაციის აღმასრულებელმა კომიტეტმა 39 წლის სპეციალისტის კანდიდატურას მხარი ერთხმად დაუჭირა. ახალ მწვრთნელთან კონტრაქტი 2+2 სისტემით გაფორმდება.

შევჩენკოს სამწვრთნელო შტაბში იმუშავებენ მაურო ტასოტი და ანდრეა მალდერა, რომლებიც იტალიურ “მილანში” საქმიანობდნენ, ასევე, კიევის “დინამოს” მთავარი მწვრთნელის თანაშემწე (2014-2016 წლებში) ესპანელი რაულ რიანჩო.

ანდრეი შევჩენკომ უკრაინის ნაკრების სათავეში მიხაილ ფომენკო შეცვალა. 67 წლის სპეციალისტმა გუნდი ევრო 2016-ზე წარუმატებელი ასპარეზობის შემდეგ დატოვა.

0.113605