ინგლისის პრემიერლიგის ბრინჯაოს პრიზიორი “ტოტენჰემი” დამდეგ სეზონში უეფას ჩემპიონთა ლიგის საშინაო მატჩებს ინგლისის მთავარ არენა “უემბლიზე” ჩაატარებს. აღნიშნულ ინფორმაციას sky sports-ი ავრცელებს. როგორც წყარო იტყობინება, “დეზების” ადმინისტრაცია “უემბლის” ვარიანტს საბოლოოდ დასთანხმდა.
მოგეხსენებათ, “ტოტენჰემის” საშინაო სტადიონს “უაით ჰართ ლეინს” რეკონსტრუქცია უტარდება და იგი მზადყოფნაში მხოლოდ 2017-2018 წლების სეზონისთვის იქნება, შესაბამისად, ლონდონელებს ერთი წელი სხვა არენაზე მოუწევთ თამაშების მასპინძლობა.
“ტოტენჰემი”, როგორც პრემიერლიგის მესამეადგილოსანი დამდეგ სეზონში ჩემპიონთა ლიგაზე ჯგუფური ეტაპიდან ითამაშებს.
