შვედეთის ეროვნული ნაკრების და პსჟ-ს თავდამსხმელ ზლატან ირაჰიმოვიჩს ლონდონის "ჩელსი" ორწლიან კონტრაქტს სთავაზობს. ინფორმაციას Footmercato ავრცელებს.
ლონდონელებს სურთ ფეხბურთელი თავისუფალი აგენტის სტატუსით ჩაიგდონ ხელში. ორი წლის განმავლობაში კი ინგლისური გრანდი შვედს 23 მილიონ ევროს სთავაზობს. ცნობილია, რომ თავდამსხმელისადმი ინტერესს "მანჩესტერ იუნაიტედი", ლონდონის “არსენალი”, აშშ-ს და ჩინეთის რამდენიმე კლუბიც იჩენს.
მიმდინარე სეზონში ზლატანმა 39 მატჩი ჩაატარა, გაიტანა 35 გოლი და 16 საგოლე გადაცემა შეასრულა. შვედი ლიგა 1-ის ბომბარდირთა დავას ერთპიროვნულად ლიდერობს. თავდამსხმელს საფრანგეთის ჩემპიონთან კონტრაქტი 2016 წლის ივლისამდე აკავშირებს და ჯერჯერობით ხელშეკრულების გახანგრძლივებას არ აპირებს.
ჩემპიონთა ლიგაზე პსჟ-მ მერვედფინალში "ჩელსი" ორი მატჩის ჯამში 4:2 დაამარცხა. იბრამ აღნიშნულ დაპირისპირებებში ორი გოლი გაიტანა და ერთხელ საგოლე გადაცემა შეასრულა.
