“ბარსელონასა” და ბელგიის ნაკრების მცველს ტომას ვერმაელენს პრემიერლიგაში დაბრუნება სურს – იუწყება გამოცემა Fichajes.net.

30 წლის მცველი “ბლაუგრანას” გასულ ზაფხულს შეუერთდა, თუმცა მთელი გასული სეზონის განმალობაში ტრავმები აწუხებდა, ხოლო მიმდინარე სეზონში ძირითადში შემადგენლობაში ადგილი ვეღარ მოიპოვა. შესაბამისად, ფეხბურთელს სათამაშო პრაქტიკა სჭირდება და ნისლიან ალბიონზე დაბრუნებაზე სერიოზულად ფიქრობს.

ტომასს კატალონიურ გრანდთან მოქმედი კონტრაქტი 2019 წლის 30 ივნისამდე აკავშირებს და 5 მილიონ ევროდაა შეფასებული.

ვერმაელენმა მიმდინარე სეზონში ყველა ტურნირზე 16 შეხვედრა (ლა ლიგაში 6) ჩაატარა და 1 გოლი გაიტანა.