ფეხბურთი

19:10 | 24.01.2016 | ნანახია [] - ჯერ

მესის სატიტულო მიზანი – ჩემპიონთა ლიგა, კოპა ამერიკა, მსოფლიო თასი

არგენტინის ეროვნული ნაკრების და კატალონიის “ბარსელონას” თავდამსხმელი ლიონელ მესი 2016 წელს იმედიანად უყურებს. სამხრეთმაერიკელს ჯერ არ დავიწყებია კოპა ამერიკაზე განცდილი მარცხი. ასევე ფეხბურთელის თქმით, “ბლაუგრანა” ჩემპიონთა ლიგის ზედიზედ მეორედ მოგებისთვის ემზადება.

“არგენტინას სურს ოცნება აისრულოს და ტიტული მოიპოვოს. გასულ წელს ფინალში დავმარცხდით, თუმცა 2016 წელს კიდევ ერთი კოპა ამერიკა გველოდება და ეს შანსი უნდა გამოვიყენოთ. ჩვენი გუნდი პროგრესირებს და ჩვენთვის მნიშვნელოვანია 2018 წლის მსოფლიოს თასზე გამარჯვება, რაც ძალიან რთული იქნება.

რაც შეეხება ჩემპიონთა ლიგას, “ბარსელონა” მოწყურებულია და სურს ზედიზედ მეორედ მოიგოს თასი. ჩვენ ყველა ტურნირისთვის ვიბრძვით და გუნდი მზადაა გამარჯვებებისთვის. ჩვენ დიდებული შემადგენლობა გვყავს და სადაც კი ვასპარეზობთ, ყველა ტიტულის მოპოვებას შევეცდებით.” – ციტირებს BBC არგენტინელის სიტყვებს.

2015 წლის კოპა ამერიკის ტურნირზე არგენტინა ჩილესთან პენალტების სერიაში დამარცხდა. სამაგიეროდ, მესიმ “ბარსელონასთან” ერთად ლა ლიგა, ესპანეთის თასი, ჩემპიონთა ლიგა, უეფას სუპერთასი და მსოფლიოს საკლუბო თასი მოიგო.

0.132657