საფრანგეთის სპორტის მინისტრი პატრიკ კანერი ეროვნული ნაკრებიდან ქარიმ ბენზემას მოკვეთას ითხოვს. ამის შესახებ ავტორიტეტული გამოცემა “ეკიპი” წერს.
“ეჭვმიტანილი ფეხბურთელები ყველაფრისგან და ჩვენი ეროვნული ნაკრებისგან შორს უნდა იყვნენ”, - ამბობს კანერი.
შეგახსენებთ, მადრიდის “რეალის” ფორვარდი ლიონის “ოლიმპიკის” შემტევის მატიე ვალბუენას შანტაჟის საქმეზე ცოტა ხნის წინ დაკავებული იყო.