ფეხბურთი

20:08 | 1.11.2015 | ნანახია [] - ჯერ

კვირკველიას 90 წუთი და სამი ქულა

ტრადიციულად 90 წუთი ითამაშა სოლომონ კვირკველიამ. “რუბინის” შემადგენლობაში ტანმაღალი მცველის თავიდან ბოლომდე გარჯა უკვე კარგა ხანია აღარ გვაკვირვებს. ყაზანელებმა კი სტუმრად პრემიერლიგის აუტსაიდერ მახაჩყალის “ანჟის” 2:1 მოუგეს. “რუბინს” ამ გამარჯვებით 13 ქულა დაუგროვდა და მე-11 ადგილზე იმყოფება.

კვიპროსის ჩემპიონატის IX ტურში “პაფოსმა” ფამაგუსტას “ანორთოსის” უმასპინძლა და 1:2 წააგო. მასპინძელთა შორის ძირითად შემადგენლობაში იყვნენ გია გრიგალავა, ლევან ხმალაძე, ნიკოლოზ გელაშვილი და ელგუჯა გრიგალაშვილი. პირველმა სამმა მათგანმა შეუცვლელად ითამაშეს, ხოლო გრიგალაშვილი მოედანზე 83-ე წუთამდე იყო. ფამაგუსტელთა რიგებში კი მთელი სათამაშო დრო სათადარიგო სკამზე გაატარეს გიორგი აბურჯანიამ და ირაკლი მაისურაძემ. “ანორთოსისს” 20 ქულა აქვს და მეოთხეა, ხოლო “პაფოსი” 8 ქულით მერვე ადგილს იკავებს.

0.111219