როგორც სოციალურ ქსელში ლანჩხუთის “გურიას” ოფიციალური გვერდი იუწყება, კლუბის პრეზიდენტი ზაზა ურუშაძე სფფ-ს საპრეზიდენტო არჩევნებში მხარს ლევან კობიაშვილს უჭერს. ურუშაძემ კობიაშვილთან შეხვედრის შემდეგ კომენტარი გააკეთა:
“სამი წელია ფედერაციასთან შეხება მაქვს და პრობლემების მეტი არაფერი შემხვედრია. სამწუხაროდ მათი კაპრიზების გამო ჩვენი კლუბი არაერთხელ დაზარალდა. მაგალითად “გურიას” ლიცენზია აქამდე არ მიუღია. გასულ წელს ჭაბუკთა გუნდებმა უეფას დახმარება, 52 ათასი ლარი მიიღეს, წელს კი არ მოგვცეს. მიზეზი არ აუხსნიათ. წელს გაახსენდათ, რომ ლიცენზია არ გვქონდა? აქ აშკარაა პირადი დაინტერესება. ხარვეზები ზემოდან უნდა გამოსწორდეს. უპირველესი ყურადღება ბავშვთა ფეხბურთს უნდა მიექცეს. მე ვიცნობ ბატონი ლევანის საარჩევნო პროგრამას და მასში სწორედ ამაზეა მთავარი აქცენტი გაკეთებული. ჩვენ მხარს ვუჭერთ მის კანდიდატურას”- განაცხადა “გურიის” პრეზიდენტმა ზაზა ურუშაძემ.
ლევან კობიაშვილი ლანჩხუთის “გურიას” სტადიონის საპრესკონფერენციო დარბაზში კლუბი ხელმძღვანელებს, გულშემატკივრებსა და მედიის წარმომადგენლებს შეხვდა.
