“მონაკოს” საკუთრებაში მყოფი თავდამსხმელი რადამელ ფალკაო 2015 წლის კოპა ამერიკის ტურნირზე კოლუმბიის ეროვნული ნაკრების კაპიტანი იქნება. აღნიშნული ინფორმაცია ხოსე პეკერმანმა დაადასტურა.

“რადამელს ნდობას ბოლომდე ვუცხადებთ და მისგან მაქსიმუმს ველით”, – განაცხადა არგენტინელმა სპეციალისტმა.

ფალკაომ გასული სეზონი იჯარის წესით “მანჩესტერ იუნაიტედში” გაატარა და პრემიერლიგის 26 მატჩში 4 გოლი გაიტანა და 5 საგოლე გადაცემა შეასრულა. ეროვნულ ნაკრებში რადამელს 56 მატჩი ჩაუტარებია და თავი 24-ჯერ გამოიჩინა.

კოლუმბიის ეროვნული ნაკრების 23-კაციანი განაცხადი უკვე ცნობილია. კოპა ამერიკა თბილისის დროით 12 ივნისს გამთენიისას დაიწყება და 4 ივლისამდე გასტანს. კოლუმბია C ჯგუფშია და მეტოქეებად ბრაზილია, პერუ და ვენესუელა ეყოლება.