ფეხბურთი

17:28 | 20.05.2015 | ნანახია [] - ჯერ

ეურელიო გომესი: “არ გადახვიდეთ “ტოტენჰემში”

ლონდონის “ტოტენჰემის” ყოფილი მეკარე ეურელიო გომესი ფეხბურთელებს “დეზებში” გადასვლისგან თავის შეკავებას ურჩევს. 34 წლის ბრაზილიელის თქმით, ლონდონური კლუბი ფეხბურთელებს კარიერას უფუჭებს.

“ყველაფერში დამნაშავე კლუბია. ვისაც “ტოტენჰემში” გადასვლა უნდა, ყველას ვაფრთხილებ – ეს არ გააკეთონ.

ლონდონელებმა სოლდადოში 28 მილიონი ფუნტი გადაიხადეს და მას არ ათამაშებენ. შეხედეთ ლამელას. ის ევროპის ერთ-ერთი უდიდესი ტალანტი იყო, მაგრამ როდესაც “ტოტენჰემში” მის გამოსვლას ვუყურებთ, იქმნება შთაბეჭდილება, რომ მას თამაში დაავიწყდა.” – განაცხადა გომესმა.

თავად ეურელიო გომესი “ტოტენჰემში” 2008-2014 წლებში თამაშობდა. ლონდონური კლუბის მაისურით, პრემიერლიგაში, მან მონაწილეობა 97 შეხვედრაში მიიღო.

0.1683