მარსელო ბიელსას გუნდმა წარუმატებელი სერიის შემდეგ გამარჯვება მოიპოვა (გუნდმა ლიგა 1-ის გასულ ოთხ ტურში ყველა მატჩი წააგო). 35-ე ტურის პირველ დღეს "მარსელმა" სტუმრად დაამარცხა "მეცი," გასვლითი სამი ქულის მოპოვებით "სენტ ეტიენს" გაუთანაბრდნენ და ჩემპიონთა ლიგის ზონაში მოხვედრის შანსი შეინარჩუნეს.

პირველი ტაიმის მიწურულს "მარსელის" კუთხურის შემდეგ მასპინძელთა მეკარე მეზუი შეცდა, მეკარის შეცდომით ჟინიაკმა ისარგებლა და ანგარიში გახსნა. პირველი ტაიმი სტუმრებმა 1:0 მოიგეს.

62-ე წუთზე "მარსელმა" შეტევა განავითარა, რომელიც ჟინიაკის დარტყმით დასრულდა, პაიეს პასის შემდეგ საფრანგეთის ნაკრების ფორვარდი მეკარესთან პირისპირ აღმოჩნდა და დუბლი შეასრულა.

"მეცი" ლიგა 1-ში დარჩენის თეორიულ შანსს ინარჩუნებს, ამ დროისთვის მე-19 ადგილზეა და გასავარდნ ზონას 9 ქულის მოპოვების შემთხვევაში გაცდება, თუმცა ძნელი სავარაუდოა დარჩენილ სამ მატჩში ქულათა მაქსიმუმი მოიპოვოს, კონკურენტებმა კი პრაქტიკულად ყველა მატჩი დათმონ.

https://www.youtube.com/watch?v=lUh20UBifHU

მეცი – მარსელი 0:2 (0:1)

მეცი, “სენტ-სიმფორიენი”

მეცი: მეზუი, ჩოპლინი, პალომინო, ბუსმანი (ნ’გბაკოტო 75), მეტანირე, მალუდა, ლეჟუნი, კაში (იკაუნიეკსი 75), სარი, საში (ბენ იუსეფი 60), მაიგა

მთავარი მწვრთნელი: კარტიე

მარსელი: მანდანდა, ფანი, ნ’კულუ, მენდი, რომაო, ალესანდრინი (ოკამპოსი 85), იმბულა, ლემინა, პაიე (ალოე 81), ჟინიაკი, აიუ

მთავარი მწვრთნელი: ბიელსა

გოლები: 0:1, 0:2 ჟინიაკი (38, 62)

მთავარი მსაჯი: ბენოი მილო

გაფრთხილება: მალუდა (40), ლემინა (52), ჟინიაკი (56), აიუ (57)