კალათბურთი

10:13 | 28.04.2015 | ნანახია [] - ჯერ

ფაჩულიას 9 ქულა, 10 მოხსნა და გამარჯვება ჩიკაგოში

გამთენიისას ნაციონალური საკალათბურთო ასოციაციის პლეი ოფის მეხუთე მატჩში, “ჩიკაგო ბულზი” შინ ზაზა ფაჩულიას “მილუოკი ბაქს” დაუპირისპირდა. “ხარებმა” ვერცერთი პერიოდის მოგება ვერ შეძლეს, საბოლოოდ კი 88:94 დამარცხდნენ. “ჩიკაგო” სერიას 3:2 იგებს. მომდევნო მატჩი 30 აპრილს მილუოკიში გაიმართება. ვისკონსინელთა მოგების და ანგარიში გათანაბრების შემთხვევაში გადამწყვეტი, მეშვიდე მატჩი ჩიკაგოში 2 მაისს გაიმართება.

ზაზა ტრადიციულად სასტარტო ხუთეულში იმყოფებოდა და პარკეტზე 24 წუთი და 52 წამი დაჰყო. ამ დროში ქართველმა ცენტრმა გუნდს 9 ქულა, 10 მოხსნა, 3 პასი და 2 ჩაჭრა შესძინა. მან 9-დან 4 ორქულიანი და ერთადერთი საჯარიმო სროლა ზუსტად გამოიყენა.

“მილუოკის” რიგებში კარტერ-უილიამსი 22 ქულით და კრის მიდელტონი 21 ქულით გამოირჩნენ. “ჩიკაგოში” საუკეთესო პო გასოლი იყო (25 ქულა, 10 მოხსნა).

ზაზას ორი საოცარი ჩაგდებული ბურთი:

https://www.youtube.com/watch?v=OLSrau0bOac

მატჩის საუკეთესო მომენტები:

https://www.youtube.com/watch?v=xLcAulHmu5s

0.129621