ფეხბურთი

19:29 | 13.04.2015 | ნანახია [] - ჯერ

მოურა: “ნეიმარი გენიოსია, მესი ჩემი კერპია”

პსჟ-ს ფორვარდმა ლუკას მოურამ “ბარსელონას” შემტევებზე მესისა და ნეიმარზე ისაუბრა. მოურამ ასევე ჩემპიონთა ლიგის 1/4-ფინალში “ბარსელონას” წინააღმდეგ გასამართ მატჩზეც გააკეთა კომენტარი.

“ბარსელონას” წინააღმდეგ თამაში ყოველთვის სასიამოვნოა. ნეიმარი ფეხბურთის გენიოსია. ბედნიერი ვარ, რომ შემიძლია მას მეგობარი ვუწოდო. მიყვარს “ბარსელონაში” მისი თამაშის ხილვა. ნეიმარის წინააღმდეგ თამაშის დროს დიდი ყურადღება გვმართებს”.

“მესი ჩემი კერპია. ვფიქრობ, ის მსოფლიოს საუკეთესო ფეხბურთელია. მის წინააღმდეგ თამაში რთული იქნება. ლეოს გასანეიტრალებლად, დიდი შრომის გაწევა მოგვიწევს. თუ მესის გავაჩერებთ, წარმატებას მივაღწევთ”, - განაცხადა ლუკას მოურამ.

ჩემპიონთა ლიგის 1/4-ფინალურ მატჩში პსჟ შინ “ბარსელონას” დაუპირისპირდება. შეხვედრა 15 აპრილს თბილისის დროით 22:45 საათზე დაიწყება.

0.111339