პორტუგალიის და იტალიის ეროვნული ნაკრებები 16 ივნისს ყატარის დედაქალაქ დოჰაში იასიმ ბინ ჰამადის სახელობის სტადიონზე ამხანაგურ მატჩს გამართავენ. აღნიშნული ინფორმაცია პორტუგალიის ფეხბურთის ფედერაციამ გაავრცელა.

12 ივნისს, ევრო-2016-ის საკვალიფიკაციო ეტაპზე “სკუადრა აძურა” ხორვატიას სტუმრად დაუპირისპირდება, ხოლო პორტუგალია აგრეთვე გასვლაზე – სომხეთს. 4 დღეში კი ორივე ნაკრები ყატარში გამართავს შეხვედრას.

აღნიშნული ნაკრებები ერთმანეთს აქამდე 23-ჯერ დაუპირისპირდნენ. იტალიელებმა 17 მატჩში იმარჯვეს, პორტუგალიელებმა მეტოქე 4-ჯერ დაამარცხეს, 2 მატჩი კი ფრედ დასრულდა.