დღეს, იტალიის თასის ბოლო მეოთხედფინალისტი გამოვლინდა. რაფაელ ბენიტესის “ნაპოლიმ” დრამატულ ბრძოლაში “უდინეზეს” აჯობა.

მატჩის პირველი ტაიმი უგოლოდ დასრულდა, მეორე ნახევარში გუნდებმა თითო გოლი გაცვალეს. 58-ე წუთზე ანგარიში სტუმართა ფრანგმა თავდამსხმელმა სირილ ტერომ გახსნა. გათანაბრება მასპინძლებმა მალევე შეძლეს. 65-ე წუთზე ბრაზილიელმა ჟორჟინიომ თერთმეტი მეტრიდან იხეირა. ძირითადი დროის დარჩენილ პერიოდში არაფერი შეცვლილა და შესაბამისად დამატებითი ტაიმები დაინიშნა. პირველ დმაატებით თხუთმეტწუთეულში გუნდებმა კიდევ ერთხელ გაცვალეს გოლები. ჯერ “ნაპოლი” მარეკ შამშიკმა დააწინაურა, ხუთ წუთში კი პანაგიოტოს კონემ წონასწორობა აღადგინა. საბოლოოდ გამარჯვებულის ვინაობა პენალტების სერიაში გაირკვა, რომელიც უფრო უკეთ მასპინძლებმა შეასრულეს. “ნაპოლი” შემდეგ ეტაპზე მილანის “ინტერს” დაუპირისპირდება.

“ნაპოლი” – “უდინეზე” 2:2 პენ: 5:4 (0:0)

ნეაპოლი, “სან პაოლო”

“ნაპოლი” (4-2-3-1): ანდუხარი; მესტო, ენრიკე, ბრიტოსი, სტრინიჩი; ჟორჟინიო, გარგანო (დე გუზმანი 72); გაბიადინი (კალეხონი 84), ჰამშიკი, მერტენსი; ძაპატა (იგუაინი 111)

მწვრთნელი: რაფაელ ბენიტესი

“უდინეზე” (3-5-2): სკუფე; ვიდმერი, დანილო, ჰეტრო, პასკუალე; ბრუნო ფერნანდესი, ჰალბერგი (გილერმე 76), ალანი, გაბრიელ სილვა; ჯაადი (კონე 73); ტერო (აგირე 73)

მწვრთნელი: ანდრეა სტრამაჩონი

გოლები: 0:1 ტერო (58), 1:1 ჟორჟინიო (65, პენ), 2:1 ჰამშიკი (99), 2:2 კონე (104)

გაფრთხილება: ჟორჟინიო (68), მესტო (94), სტრინიჩი (97) - გაბრიელ სილვა (3), ჰალბერგი (9), ტერო (28), ვიდმერი (45, 68), ჰეტრო (45)

გაძევება: ვიდმერი (68)