სპორტული ჟურნალისტი, ტელეწამყვანი, სალსას მოცეკვავე და რაც მთავარია „ნაპოლის“ დიდი გულშემატკივარი - ფლორიანა მესინა.

იტალო-კოლუმბიელი ლამაზმანი განსაკუთრებული ყურადღების ცენტრში რამდენიმე დღის წინ მოექცა, როდესაც ნეაპოლში ერთ-ერთ კედელზე გამოსახული დიეგო მარადონას ფონზე ფოტო გადაიღო და თავისი მომნუსხველი სხეულით სცადა დიეგოს დაჩრდილვა.

ან, ვინძლო, ეს სულაც არ ჰქონდა ფლორიანას განზრახული, მაგრამ ფაქტია გამოუვიდა და ძნელად დასაჯერებელია, რომ ეს ამბავი წინასწარ თავადაც არ სცოდნონდა.

„მარადონა ღმერთია, მარადონა ფეხბურთია!!! შენნაირი არავინაა.. ყოველთვის ჩვენთან. ოცნება მაქვს: შენთან შეხვედრა“, - ასე დაასათაურა ფლორიანამ ფოტო, რომელსაც 48 ათასზე მეტი მოწონება აქვს და სხვადასხვა სოციალურ ქსელში, სხვადასხვა გვერდების მიერ ელვის სისწრაფით გავრცელდა.

ფლორიანას ინსტაგრამში ნახევარ მილიონზე ოდნავ მეტი გამომწერი ჰყავს და პირდაპირ რომ ვთქვათ, მიმდევრებს მოწყენის საშუალებას წუთითაც არ აძლევს ისეთი ცხელ-ცხელი ფოტოებით აქვს იქაურობა მორთული...