რაგბი

22:50 | 30.07.2014 | ნანახია [] - ჯერ

სეუ ევროპის ჩემპიონია

საქართველოს ეროვნული უნივერსიტეტის შვიდკაცა რაგბის გუნდმა სეუ-მ, ჰოლანდიის ქალაქ როტერდამში გამართული საუნივერსიტეტო ევროპის ჩემპიონატი დაუმარცხებლად განვლო და მთავარი ჯილდო ზედიზედ მეორედ მოიპოვა.

ჯგუფურ ეტაპზე ლისაბონის უნივერსიტეტის 22:5, უტრეხტის უნივერსიტეტის 34:0 და რიგის უნივერსიტეტის 24:0 დამარცხების შემდეგ, თასის ნახევარფინალში პორტოს უნივერსიტეტს 29:0 სძლია და ფინალში თამაშის უფლება მოიპოვა, სადაც რუსეთის, ციმბირის ფედერალური უნივერსიტეტის გუნდს დაუპირისპირდა და ოთხი უპასუხო ლელო გაუტანა - 26:0. ამრიგად, სეუ-მ როტერდამში ხუთი თამაში მოიგო მხოლოდ ერთი ლელო გაუშვა, ისიც პირველ შეხვედრაში.

სეუ-მ ჰოლანდიაში ჩატარებულ საუნივერსიტეტო ევროპის ჩემპიონატზე ასეთი შემადგენლობით ითამაშა: გიორგი ჭყოიძე, ბაჩანა კოლელიშვილი, დაჩი კოპაძე, თემურ ჩიტიძე, შალვა დავითაშვილი, იოსებ მათიაშვილი, ბახვა კობახიძე, დიმიტრი კალანდაძე, საბა შუბითიძე, ლევან გოგოლაშვილი, ალექსანდრე ხუციშვილი, ზურაბ ძნელაძე.

მთავარი მწვრთნელი: ბესიკ ხამაშურიძე

კონსულტანტი: კახაბერ ალანია

მენეჯერი: ლექსო გუგავა

ექიმი: ვახტანგ წიკლაური

შეგახსენებთ, რომ სეუ-მ შარშან სოფიაში გამართული საუნივერსიტეტო ევროპის ჩემპიონატი მოიგო და საორგანიზაციო კომიტეტის მიერ დაწესებული ყველა ტიტული მოიპოვა.

0.115149