სერბ ნოვაკ ჯოკოვიჩსა და შოტლანდიელ ენდი მარეის ამერიკის შეერთებული შტატების ღია პირველობა შესაბამისად 2011 და 2012 წლებში მოუგიათ, ამჯერად კი ნიუ იორკში ერთმანეთს მეოთხედფინალში შეხვდებიან.
მარეიმ მერვედფინალში აფროფრანგ ჟო-ვილფრიდ ცონგას 7:5, 7:5, 6:4 და ბოლო ერთი წლის განმავლობაში პირველად მოახერხა ტოპათეულის მოთამაშის დამარცხება. ამ მოგებით ენდიმ ცონგასთან უერთიერთშეხვედრების ანგარიში 10:2 გახადა.
ჯოკოვიჩს რაც შეეხება, ბალკანელმა გერმანელ ფილიპ კოლშრაიბერს 6:1, 7:5, 6:4 მოუგო და ნამატჩევს განაცხადა: “ცოტა ხნის წინ მე და ფილიპი ერთობლივ წვრთნას ვატარებდით. იგი ნამდვილი პროფესიონალია, რომელთაც თანამშრომლობა სასიამოვნო და სასარგებლოა. კოლშრაიბერს კარგი მოწოდება აქვს, მე კი ვცდილობდი მაქსიმალურად მობილიზებული ვყოფილიყავი და 3 სეტში “ჩავტეულიყავი”.