ქალთა სახელბურთო ლიგაზე საკვალიფიკაციო ტურნირების შემდეგ, ჯგუფური ეტაპის ორი საგზური მოიპოვეს გერმანიის “ლაიპციგმა” და ხორვატიის “პოდრავკამ”.

ლაიფციგურ ნახევარფინალში მასპინძლებმა 22:18 დაამარცხეს “ბნტუ მინსკი”, ხოლო უნგრეთის “რაილ-კარგო ფერენცვაროშმა” ჰოლანდიის “დალფსენს” 33:28 მოუგო. ფინალის ძირითადი დრო 28:28 დასრულდა, დამატებითი – 38:38, ხოლო შვიდმეტრიანების სერიაში “ლაიპციგმა” იმარჯვა.

მეორე ჯგუფი სერბიის კრაგუევაცში თამაშობდა. მასპინძელთა გუნდმა “რადნიჩკიმ” ნახევარფინალში მოუგო შარშანდელი ოთხთა ფინალის მონაწილე დანიის “მიდტიულანდს” – 29:24. ძირითადი დროის შემდეგ ანგარიში 24:24 იყო, თუმცა, დამატებითში სერბებმა 5 უპასუხო გოლი გაიტანეს. ხორვატიის “პოდრავკამ” ნორვეგიის “ბიასენ ტრონჰეიმსაც” მოუგო – 31:23 და ფინალში მასპინძელ სერბებსაც აჯობა – 28:24.

შედეგად, ჩემპიონთა ლიგის ჯგუფები ასე დაკომპლექტდა:

A ჯგუფი: კრიმი (სლნ), დინამო ვოლგოგრადი (რუს), ჰიპო ნიდეროსტერრაიხი (ავს), ლაიფციგი (გერ).

B: ბუდუჩნოსტი (მნტ), ტიურინგერი (გერ), ვარდარ სკოპიე (მკდ), პოდრავკა (ხორ).

C: დიორი ეტო (უნგ), ვიბორგი (დან), ლოკომოტივა ზაგრები (ხორ), სევეჰოფი (შვდ).

D: ლარვიკი (ნორ), ბაია მარე (რუმ), მეცი (საფ), ლუბლინი (პოლ).

ჯგუფური ეტაპის თამაშები 17 ოქტომბერს დაიწყება და ნოემბრის ბოლოს დასრულდება. მეორე ეტაპზე 3-3 გუნდი გავა. შეჯიბრება 2015 წელს გაგრძელდება. ორი ექვსგუნდიანი ჯგუფიდან 4-4 საუკეთესო მეოთხედფინალში გადის, ხოლო შეჯიბრებას ოთხთა ფინალი დაასრულებს.

ამ კვირაში კი უკვე კაცების ჩემპიონთა ლიგის ჯგუფური ტურნირი იწყება.

A ჯგუფი: კილი (გერ), მეტალურგ სკოპიე (მკდ), ზაგრები (ხორ), ლა რიოხა (ესპ), პსჟ (საფ), მეშკოვ-ბრესტი (ბლრ).

B: ბარსელონა (ესპ), კოლდინგი (დან), ალინგსასი (შვდ), ვისლა პლოცკი (პოლ), ფლენზბურგი (გერ), მოტორ ზაპოროჟიე (უკრ).

C: ვესპრემი (უნგ), ცელიე ლაშკო (სლნ), ჩეხოვსკიე მედვედი (რუს), რაინ-ნეკარ ლიოვენი (გერ), ვარდარ სკოპიე (მკდ), მონპელიე (საფ).

D: ტარგი კელცე (პოლ), დიუნკერკი (საფ), შაფჰაუზენი (შვც), პიკ სეგედი (უნგ), ოლბორგი (დან), ბეშიქთაში (თურ).

ჯგუფური ტურნირის 8 ტური შობამდე გაიმართება, დანარჩენი ორი კი – 2015 წელს. ჯგუფების 4-4 გამარჯვებული პლეიოფში გავა, საბოლოოდ კი ჩემპიონი მაისის ბოლოს, კიოლნში, ოთხთა ფინალის შემდეგ გამოვლინდება.

ჯგუფური ტურნირი ხუთშაბათს იწყება, შვეიცარიის “შაფჰაუზენისა” და პოლონეთის “ტარგი კელცეს” თამაშით. კვირას პირველი ტური დასრულდება.

www.geohandball.ge