მადრიდის “რეალის” ლიდერმა, კრიშტიანუ რონალდუმ ტრავმა მოირჩინა და ის ჩემპინთა ლიგის ნახევარფინალის პირველ მატჩში, მიუნხენის “ბაიერნის” წინააღმდეგ ითამაშებს. ამ ინფორმაციას AS-ი ავრცელებს.

რონალდუმ ტრავმა “დორტმუნდთან” მეოთხედფინალში გამართულ შეხვედრაში მიიღო. მას შემდეგ, პორტუგალიელმა გუნდის 4 თამაში გამოტოვა.

მადრიდული პრესის ცნობით, 29 წლის თავდამსხმელმა ვარჯიში უკვე განაახლა და “ბაიერნთან” 23 აპრილს გასამართ მატჩს ის სრულ მზადყოფნაში შეხვდება.