რიკი ჰიკმანის “მაკაბიმ” ისრაელის ჩემპიონატის მეოთხედფინალური სერიის მე-3 მატჩში “გალილ გილბოა” 93:67 გაანადგურა და 2:1 დაწინაურდა, ქართული პასპორტის მქონე ამერიკელი კალათბურთელი კი ორივე გუნდის რიგებში საუკეთესო იყო.

ჰიკმანმა მოედანზე 24 წუთი დაჰყო და 23 ქულა, 2 მოხსნა და 3 პასი მოაგროვა. რიკიმ 8-დან 6 ორქულიანი, 6-დან 3 სამქულიანი და 2-ვე საჯარიმო ჩააგდო, ბურთი არ დაუკარგავს, 1 პერსონალური ფოლი მიიღო და მის წინააღმდეგაც ერთხელ დაჯარიმდნენ.

დევიდ ბლატის შეგირდები მომდევნო მატჩს 12 მაისს სტუმრად გამართავენ და თუკი “გალილ გილბოას” ამჯერადაც აჯობეს, ნახევარფინალის საგზურს მოიპოვებენ.