ახალგაზრდა მცველმა ერიკ დურმმა დორტმუნდის “ბორუსიასთან” კონტრაქტი გაახანგრძლივა.
“ბორუსიას” ოფიციალური ვებგვერდის ინფორმაციით, 22 წლის ფეხბურთელმა ხელშეკრულება 2 წლით გაახანგრძლივა და დორტმუნდულ კლუბში 2017 წლის მაგივრად, 2019 წლამდე დარჩება.
“ბორუსიაში” კარგ ფეხბურთელად ჩამოყალიბების შანსი მივიღე. აქ ჩემს შესაძლებლობებსა და ცოდნას ნელ-ნელა ვავითარებ. კლუბის მხრიდან გაწეულ სამუშაოს ვაფასებ და ამიტომ, ამაგის გადახდა კონტრაქტის გახანგრძლივებით მსურდა”, – თქვა დურმმა.
დურმი “ბორუსიაში” 2012 წელს “მაინციდან” გადავიდა. განვლილ სეზონში, მან დორტმუნდელთა რიგებში 29 მატჩი ჩაატარა, ხოლო მიმდინარეში – 4.