ძიუდოს საერთაშორისო ფედერაციამ 2013-14 წლების ყველა საერთაშორისო ტურნირის შედეგები შეაჯამა და მსოფლიოს განახლებული რეიტინგ-სია გამოაქვეყნა, რომლითაც სპორტსმენები ახალ სეზონს დაიწყებენ. ვაჟთა შორის, შვიდი წონითი კატეგორიიდან ორს სათავეში კვლავ ქართველი ძიუდოისტები უდგანან. 81 კილოგრამ წონით კატეგორიაში პირველი ნომერი ევროპის და მსოფლიოს მოქმედი ჩემპიონი ავთანდილ ჭრიკიშვილია, რომელიც არა მარტო თავისი წონის, არამედ შვიდივე წონის აბსოლუტური ლიდერია. საქართველოს 2013 და 2014 წლების საუკეთესო სპორტსმენის ანგარიშზე 3610 ქულაა და უახლოეს მდევრებთან იმხელა უპირატესობა აქვს, სულ რომ არ გავიდეს ტატამზე, შეიძლება სეზონის ბოლოსაც ლიდერის რანგში შეხვდეს. ჭრიკიშვილის უახლოეს მდევარს კანადელ ანტუან ვალუა-ფორტიეს 1936 ქულა აქვს.
90 კილოგრამს სათავეში ევროპის მოქმედი ჩემპიონი და მსოფლიოს ბრინჯაოს პრიზიორი ვარლამ ლიპარტელიანი უდგას, 2470 ქულით. მეორე ადგილზე მყოფ უნგრელ კრისტიან ტოტს ქართველი ძიუდოისტი 463 ქულით უსწრებს.
უმსუბუქეს წონაში ქართული გუნდის ლიდერი ამირან პაპინაშვილი აგვისტოს ბოლოს ჩელიაბინსკში გამართული მსოფლიო ჩემპიონატის შემდეგ სტაბილურად ინარჩუნებდა მესამე ადგილს ისე, რომ ერთ ტურნირშიც არ მიუღია მონაწილეობა. ტრავმისშემდგომი სარეაბილიტაციო პროცესის გამო ვერც ტოკიოს გრან სლემზე შეძლო კიმონოს მორგება, მაგრამ ახალ სეზონს მეორე ადგილით ხვდება. აქამდელ მეორეადგილოსანს, იაპონელ ნაოჰისა ტაკატოს წინა სეზონების ქულები ჩამოეჭრა და ერთი საფეხურით დაქვეითდა. წონის ლიდერი მონღოლი ბოლდბაატარ განბატია (2676). პაპინაშვილი მას 396 ქულით ჩამორჩება, ხოლო ტაკატო პაპინაშვილს – 320 ქულით.
მძიმეწონოსანი ადამ ოქრუაშვილი 2021 ქულით მესამე პოზიციას ინარჩუნებს. მასზე წინ მსოფლიოს 7-გზის, ევროპის 4-გზის და ოლიმპიური ჩემპიონი, ფრანგი ტედი რინერი (2500) და ბრაზილიელი რაფაელ სილვა (2302) დგანან.
ძიუდოს საერთაშორისო ფედერაციამ დღეს ყველა წონითი კატეგორიის საერთო რეიტინგიც გამოაქვეყნა და მოწინავე ათეულში საქართველოს ნაკრების ოთხი წევრი მოხვდა. სწორედ ისინი, რომლების პირად რეიტინგზეც ზემოთ უკვე წაიკითხეთ. ჭრიკიშვილი აბსოლუტური ლიდერია, ლიპარტელიანი მეხუთე ადგილს იკავებს, პაპინაშვილი მეშვიდეა, ხოლო ოქრუაშვილი – მეცხრე.
რაც შეეხებათ სხვა ქართველ ძიუდოისტებს, მათგან თავიანთი წონითი კატეგორიების ათეულებში ბექა ღვინიაშვილი (90 კგ) და ლევან მატიაშვილი (+100 კგ) შედიან. ორივე მეათე ადგილით.
ნუგზარ ტატალაშვილი 73 კილოგრამში მე-13 საფეხურს იკავებს, ზვიად გოგოჭური კი 90 კილოგრამის მე-16 ნომერია.
ყველაზე უიმედო მდგომარეობა 66 და 100 კილოგრამ წონით კატეგორიებშია. 66 სულაც საქართველოს ნაკრების უსუსტესი წერტილია. ყველაზე მაღალი რეიტინგი შალვა ქარდავას აქვს, რომელიც 48-ე ადგილზეა. 100-ში კი ქართველთაგან მოწინავე ალექსანდრე მსხალაძეა (36-ე ადგილი).
ვაჟთა შვიდივე წონითი კატეგორიის საუკეთესო ხუთეულებს, აბსოლუტური რეიტინგ-სიის მოწინავე ათეულს და ყველა ქართველი ძიუდოისტის პირად რეიტინგს აქვე გთავაზობთ.
ძიუდო
მსოფლიოს რეიტინგი
კაცები
60 კგ
1 ბოლდბაატარ განბატი (მონღოლ) 2676
2 ამირან პაპინაშვილი 2280
3 ნაოჰიშა ტაკატო (იაპონია) 1960
4 ამარტუვშინ დაშდავაა (მონღოლ) 1826
5 ორხან საფაროვი (აზერბაიჯანი) 1820
56 ლუხუმ ჩხვიმიანი 250
117 პაატა მერებაშვილი 72
124 გიორგი მესაბლიშვილი 60
149 ბეთქილ შუკვანი 41
161 ლაშა გიუნაშვილი 36
210 ვაჟა მარგველაშვილი 13
291 გიორგი ბროლაშვილი 1
291 ლერი ჭელიძე 1
66 კგ
1 მიხაილ პულიაევი (რუსეთი) 1961
2 მასაში ებინუმა (იაპონია) 1800
3 ჩარლეს ჩიბანა (ბრაზილია) 1800
4 ტუმურხულეგ დავაადორჟი (მონღ) 1710
5 გიორგი ზანთარაია (უკრაინა) 1591
48 შალვა ქარდავა 394
65 ლაშა შავდათუაშვილი 266
68 ტრისტან ფეიქრიშვილი 237
99 ვაჟა მარგველაშვილი 110
116 თორნიკე თათარაშვილი 91
135 მინდია ლილუაშვილი 72
243 კახა ცაგარელი 12
275 გელა კელიხაშვილი 8
284 ვანიკო თოთლაძე 6
328 ბექა შავდათუაშვილი 2
361 გიორგი ქალდანი 1
73 კგ
1 დექს ელმონი (ჰოლანდია) 1880
2 ვიქტორ სკვორტოვი (აგს) 1640
3 საგი მუკი (ისრაელი) 1636
4 როკ დრაკშიჩი (სლოვენია) 1510
5 კუკ იონ ჰონგი (ჩრდ. კორეა) 1456
13 ნუგზარ ტატალაშვილი 1164
29 ლაშა შავდათუაშვილი 588
30 ზებედა რეხვიაშვილი 572
202 ზურაბ ნოზაძე 27
212 არსენ მაჭარაშვილი 24
226 ფრიდონ გიგანი 21
232 ამბაკო ავალიანი 18
239 თამაზ კირაკოზაშვილი 16
284 გიორგი პაპუნაშვილი 7
327 თენგიზ პაპოშვილი 2
81 კგ
1 ავთანდილ ჭრიკიშვილი 3610
2 ანტუან ვალუა-ფორტიე (კანადა) 1936
3 ვიქტორ პენალბერი (ბრაზილია) 1784
4 ლუის პიეტრი (საფრანგეთი) 1748
5 ტრევის სტივენსი (აშშ) 1490
24 უშანგი მარგიანი 642
36 ლევან წიკლაური (რუსეთი) 468
78 ზებედა რეხვიაშვილი 180
182 ამბაკო ავალიანი 36
250 გიორგი პაპუნაშვილი 12
266 პაატა ღვინიაშვილი 10
276 იასონ ჩილინდრიშვილი 7
346 ლაშა ზურაბიანი 1
90 კგ
1 ვარლამ ლიპარტელიანი 2470
2 კრისტიან ტოთი (უნგრეთი) 2007
3 ილიას ილიადისი (საბერძნეთი) 1941
4 კირილ დენისოვი (რუსეთი) 1518
5 ნოელ ვან ტენდი (ჰოლანდია) 1484
10 ბექა ღვინიაშვილი 997
16 ზვიად გოგოჭური 845
125 პაატა ღვინიაშვილი 69
184 ლაშა ტაველური 20
203 არჩილ გოგოლაშვილი 12
100 კგ
1 ლუკაშ კრპალეკი (ჩეხეთი) 2588
2 სირილ მარე (საფრანგეთი) 2246
3 კარლ-რიჩარდ ფრეი (გერმანია) 1670
4 ელხან მამადოვი (აზერბაიჯანი) 1612
5 ჰენკ ხროლი (ჰოლანდია) 1574
36 ალექსანდრე მსხალაძე 336
74 დავით ლორიაშვილი 139
80 გურამ თუშიშვილი 125
109 ლევან ჟორჟოლიანი 61
137 ნოდარ მეტრეველი 32
144 ლაშა გურული 31
147 ვარლამ ლიპარტელიანი 30
195 გიორგი ნოზაძე 8
+100 კგ
1 ტედი რინერი (საფრანგეთი) 2500
2 რაფაელ სილვა (ბრაზილია) 2302
3 ადამ ოქრუაშვილი 2021
4 ფაიცელ ჯაბალაჰი (ტუნისი) 1954
5 რენატ საიდოვი (რუსეთი) 1884
10 ლევან მატიაშვილი 1029
112 გიორგი ზაქარიაძე 53
116 ნოდარ მეტრეველი 50
132 ონისე ბუღაძე 39
177 როსტომ ხახალეიშვილი 3
აბსოლუტური რეიტინგი
1 ავთანდილ ჭრიკიშვილი 3610
2 ბოლდბაატარ განბატი (მონღოლ) 2676
3 ლუკაშ კრპალეკი (ჩეხეთი) 2588
4 ტედი რინერი (საფრანგეთი) 2500
5 ვარლამ ლიპარტელიანი 2470
6 რაფაელ სილვა (ბრაზილია) 2302
7 ამირან პაპინაშვილი 2280
8 სირილ მარე (საფრანგეთი) 2246
9 ადამ ოქრუაშვილი 2021
10 კრისტიან ტოთი (უნგრეთი) 2007