გერმანიის ეროვნული ნაკრების ყოფილმა თავდამსხმელმა მიკე ჰანკემ საფეხბურთო კარიერა 31 წლის ასაკში დაასრულა. ჰანკემ ბუნდესნაკრებთან ერთად 2006 წლის მუნდიალზე ბრინჯაოს მედალიც მოიპოვა, სულ კი ეროვნულ ნაკრებში 12 მატჩი ჩაატარა და 1 გოლიც გაიტანა.
საკლუბო დონეზე ჰანკე “შალკეს”, “ვოლსბურგის”, “ჰანოვერის”, “მიონხენგლადბახისა” და “ფრაიბურგის” ღირსებას იცავდა. გერმანელის ბოლო კლუბი ჩინური “გუიჯოუ რენჰე” გახლდათ, სადაც კარიერა დაასრულა კიდეც.