იტალიის ფეხბურთის ფედერაციამ “რომასა” და “იუვენტუსის” მთავარ მწვრთნელებს, რუდი გარსიასა და მასიმილიანო ალეგრის დისკვალიფიკაციები მისცა.

რუდი გარსიას ბრალად “ჯენოასთან” გამართული მატჩის შემდეგ ფეხბურთელებს შორის დაწყებულ ჩხუბში მონაწილეობა ედებოდა და მას 3-მატჩიანი დისკვალიფიკაცია ემუქრებოდა. სადისციპლინო კომიტეტმა, საბოლოოდ, ფრანგი სპეციალისტის 2 მატჩით დასჯა გადაწყვიტა.

რაც შეეხება მასიმილიანო ალეგრის, მას, “სამპდორიასთან” მატჩის დროს არბიტრთან ზედმეტად ემოციური კამათის გამო, ერთმატჩიანი დისკვალიფიკაცია მისცეს.