სუპერლიგის მონაწილე “მგზავრები-არმიას” ცენტრალური თავდამსხმელი რევაზ ათანელიშვილი (19. 07. 86. 207სმ) ტრავმის მოშუშების შემდეგ ვარჯიშს შეუდგა.
ამის შესახებ “მსოფლიო სპორტს” “მგზავრები-არმიას” პრეზიდენტმა ირაკლი შანიძემ განუცხადა.
შეგახსენებთ, რომ ათანელიშვილს წელი ჰქონდა დაზიანებული და ამის გამო 24-ე ეროვნულ ჩემპიონატში “ოლიმპთან” და “სოხუმთან” შეხვედრები გამოტოვა.
ძალოვნები მორიგ შეხვედრას საქართველოს თასის გათამაშების მეოთხედფინალურ სერიაში “რუსთავის” წინააღმდეგ ჩაატარებენ, რომელიც 29 ნოემბერს, კალათბურთის აკადემიაში ჩატარდება.