21 ნოემბერს წყალბურთში მომავალი ევროპის ჩემპიონატის პირველი შესარჩევი ეტაპის წილისყრა შედგა. საქართველოს ნაკრები A ჯგუფში მოხვდა, სადაც მეტოქეებად სლოვაკეთი, პორტუგალია და შვეიცარია ეყოლება, მატჩებს კი, თებერვალში თბილისი უმასპინძლებსა.
A ჯგუფი: საქართველო, სლოვაკეთი, პორტუგალია, შვეიცარია
B ჯგუფი: რუსეთი, უკრაინა, ისრაელი, პოლონეთი
C ჯგუფი: საფრანგეთი, მალტა, ნიდერლანდები
D ჯგუფი: გერმანია, თურქეთი, ბელორუსია, ლიტვა
შესარჩევ ციკლში ნაკრებებს მე-2 ჯგუფურ ეტაპზე თამაშიც მოუწევთ, საკვალიფიკაციო რაუნდის 8 საუკეთესო გუნდი კი ფინალურ ეტაპზე გავა, სადაც უკვე დაშვებულია გასული ევროპირველობის 8 მოწინავე ნაკრები.
ცნობისთვის, 2016 წლის ევროპის ჩემპიონატის ფინალური რაუნდი 2016 წელს სერბეთის დედაქალაქ ბელგრადში გაიმართება.