სინგაპურში მიმდინარე ქალ ჩოგბურთელთა წლის შემაჯამებელ ტურნირზე, რუმინელმა სიმონა ჰალეპმა პლანეტის ნომერ პირველი ჩოგბურთელი, 18-გზის დიდი სლემის ჩემპიონი, ამერიკელი სერენა უილიამსი სენსაციურად დაამარცხა (6:0, 6:2).
მსოფლიო რეიტინგის მე-4 ნომერმა ჰალეპმა პირველ სეტში უილიამსი გაანადგურა (6:0). პირველ სეტში სერენამ მხოლოდ 8 ქულა მოიგო, რაც ანტირეკორდია ამერიკელისთვის.
მეორე სეტი უილიამსის წაგებული ჩაწოდებით დაიწყო. მატჩში სერენამ 8 გეიმის შემდეგ მოახერხა პირველი გეიმის მოგება. თითქოს სერენა უნდა დაბრუნებულიყო მატჩში, მაგრამ სიმონამ შანსი ხელიდან არ გაუშვა და კარიერაში სერენა უილიამსი პირველად დაამარცხა.
უილიამსმა 2 ეისი ჩააწოდა და 7 ორმაგი შეცდომა დაუშვა, რუმინელმა 2 ეისი ჩააწოდს და 2 ორმაგი შეცდომა დაუშვა
“კარგად ვითამაშე ყველაფერი გამომდიოდა, კორტზე კარგად ვმოძრაობდი. მადლობა გულშემატკივრებს, ძალიან ბედნიერი ვარ, ეს სიგიჟეა”- განაცხადა ჰალეპმა მატჩის შემდგომ ინტერვიუში.
წლის შემაჯამებელი ტურნირის საპრიზო ფონდი 6.5 მილიონ ამერიკულ დოლარს შეადგენს.
წითელ ჯგუფში სიმონა 2 მოგებით პირველ ადგილზე იმყოფება. სერენა მეორე ადგილზეა ერთი მოგებით და ერთი წაგებით. III-IV ადგილზე ბუშარი და ივანოვიჩი იმყოფებიან, რომლებიც მეორე ტურის მატჩში ერთმანეთს დღეს თბილისის დროით 15:30 საათზე დაუპირისპირდებიან.
წითელი ჯგუფი
1. | სიმონა ჰალეპი | 2 | 2 | 0 | 4:0 | 2 |
|
2. | სერენა უილიამსი | 2 | 1 | 1 | 2:2 | 1 |
|
3. | ეჟენი ბუშარი | 1 | 0 | 1 | 0:2 | 0 |
|
4. | ანა ივანოვიჩი | 1 | 0 | 1 | 0:2 | 0 |
მატჩის საუკეთესო მომენტები