საფეხბურთო კლუბ “ზესტაფონის” სპონსორი უკრაინული “პრივატბანკი” გახდა. 22 ოქტომბერს “ზესტაფონის” ოფისში “პრივატბანკის” აღმასრულებელმა დირექტორმა იური კანდაუროვმა და “ზესტაფონის” გენერალურმა დირექტორმა მიხეილ ხუციშვილმა თანამშრომლობის ხელშეკრულება გააფორმეს, რომელიც 1 წლიანია.
კონტრაქტის თანახმად, “ზესტაფონი” გარკვეულ თანხას მიიღებს, რომელიც არ დაკონკრეტებულა, ხოლო სამაგიეროდ, “პრივატბანკს” რეკლამას გაუწევს საქართველოს ეროვნულ ჩემპიონატსა და ევროტურნირებზე.
ხელშეკრულების გაფორმებას “ზესტაფონის” პრეზიდენტი ილია კოკაიაც დაესწრო.
