სახელბურთო ჩემპიონთა ლიგაზე 3 უდანაკარგო გუნდი დარჩა – თავ-თავის ჯგუფებში 8-8 ქულით ლიდერობენ ფრანგული პარი სენ-ჟერმენი, პოლონეთის კელცე და უნგრეთის ვესპრემი.
მეოთხე ტურის მთავარი მატჩი კოპენჰაგენში გაიმართა. იქ 5000 მაყურებლის თვალწინ ითამაშეს კოლდინგმა და ბარსელონამ, რომლებიც 3-3 მოგებით ლიდერობდნენ. დანიელებმა ბოლო წუთზე, შვიდმეტრიანით გაათანაბრეს ანგარიში – 27:27.
პირველი ქულა დაკარგა სკოპიეს ვარდარმა, ვინც სტუმრად 34:34 ითამაშა მონპელიეში. კაცთა ტურნირზე ახლა შესვენებაა, რომელიც სანაკრებო მატჩებითაა გამოწვეული. ტურნირი ნოემბერში განახლდება. წლის ბოლომდე გუნდები ჯგუფური ტურნირის კიდევ 4 ტურს გამართავენ, დასკვნით ორს – 2015 წლის თებერვალში, რის შემდეგაც 4-4 გუნდი მერვედფინალში გავა და პლეიოფს გააჩაღებს.
დაიწყო ქალთა შეჯიბრებაც. პირველ ტურში ჩემპიონმა, უნგრეთის დიორი ეტომ შინ დაამარცხა ზაგრების ლოკომოტივა – 32:23, ხოლო ფინალისტმა, მონტენეგროს ბუდუჩნოსტმა 23:17 მოუგო წინა ტურნირის ოთხთა ფინალის კიდევ ერთ მონაწილე ვარდარს.
აქ პირველი ეტაპი ნოემბერში დასრულდება. ჯგუფების 3-3 საუკეთესო გუნდი მეორე ჯგუფურ ეტაპზე გავა და ერთმანეთში დაგროვილ ქულებსაც გაიყოლებს. მეორე ეტაპზე შეიქმნება ორი 6-6 გუნდიანი ჯგუფი, საიდანაც მეოთხედფინალში 4-4 საუკეთესო გააღწევს.
ჩემპიონთა ლიგა. 2014-15. კაცები. 4 ტური
16-19 ოქტომბერი
A ჯგუფი
ლა რიოხა ლოგრონიო (ესპ, 4 ქულა) - ზაგრები (ხორ, 4) 22:21
მეტალურგ სკოპიე (მკდ, 0) - კილი (გერ, 6) 27:42
მეშკოვ ბრესტი (ბლრ, 2) - პსჟ (საფ, 8) 28:29
B ჯგუფი
ბეშიქთაში (თურ, 0) - ფლენზბურგი (გერ, 6) 20:27
ვისლა პლოცკი (პოლ, 4) - ალინგსასი (შვდ, 0) 28:25
კოლდინგი (დან, 7) - ბარსელონა (ესპ, 7) 27:27
C ჯგუფი
ცელიე (სლნ, 2) - ვესპრემი (უნგ, 8) 21:24
მონპელიე (საფ, 3) - ვარდარ სკოპიე (მკდ, 7) 34:34
ლიოვენი (გერ, 4) - ჩეხოვსკიე მედვედი (რუს, 0) 34:29
D ჯგუფი
დიუნკერკი (საფ, 2) – კელცე (პოლ, 8) 25:28
მოტორ ზაპოროჟიე (უკრ, 0) - ოლბორგი (დან, 5) 25:28
პიკ სეგედი (უნგ, 6) - შაფჰაუზენი (შვც, 3) 34:24
ქალები, 1 ტური, 17-19 ოქტომბერი
A ჯგუფი
კრიმ მერკატორი (სლნ) - ჰიპო ნიდეროსტერრაიხი (ავს) 32:20
დინამო ვოლგოგრადი (რუს) - ლაიფციგი (გერ) 27:19
B ჯგუფი
ტიურინგერი (გერ) - პოდრავკა (ხორ) 33:20
ბუდუჩნოსტი (მნტ) - ვარდარ სკოპიე (მკდ) 23:17
C ჯგუფი
ვიბორგი (დან) - სევეჰოფი (შვდ) 38:25
დიორი ეტო (უნგ) – ლოკომოტივა ზაგრები (ხორ) 32:23
D ჯგუფი
ბაია მარე (რუმ) - ლიუბლინი (პოლ) 30:25
ლარვიკი (ნორ) - მეცი (საფ) 25:20
www.geohandball.ge