მარიამ ბოლქვაძე ამერიკის ღია პირველობის კვალიფიკაციის ფინალში გავიდა და ძირითად ბადემდე ერთი მოგება აშორებს.

ქართველმა ჩოგბურთელმა კვალიფიკაციის მეორე ეტაპზე რუსი მეტოქე, ალევტინა იბრაგიმოვა ორ სეტში - 6:4, 6:3 დაამარცხა. შეხვედრა საათსა და 34 წუთს გაგრძელდა. მარიამი ორივე სეტში უპირატესობას ფლობდა და გამარჯვება არ გასჭირვებია.

მარიამმა კვალიფიკაციის პირველ წრეში მანამდეც რუსი მეტოქე დაამარცხა, ერიკა ანდრეევა ორ სეტში 6:4, 7:6.

ბოლქვაძე 27 აგვისტოს, კვალიფიკაციის ფინალში ნიდერლანდელ ანუკ კუერმანსს შეხვდება.