„ნიურნბერგის“ ფეხბურთელმა ლუკა ლოჩოშვილმა ბილეფელდის „არმინიასთან“ გამარჯვების შემდეგ ისაუბრა.

როგორც მან თქვა, ლიგაში არცერთ გუნდს ჩამოუვარდებიან და ყველაფერი კონკრეტულ მომენტზეა დამოკიდებული. ლოჩოშვილს სჯერა, რომ ბუნდესლიგაში გადასასვლელად ბრძოლა შეუძლიათ:

„ბედნიერი ვარ. ქულებს ვიღებთ, რიტმს სულ უფრო და უფრო ვპოულობთ. ვფიქრობ, სწორ გზაზე ვართ. უპირველეს ყოვლისა, ვფიქრობ, ლიგაში ჩვენზე უკეთესი არავინაა. ეს დაძაბული ლიგაა, მაგრამ ვერ ვხედავ გუნდს, რომელიც ჩვენზე მაღლა დგას. უკვე ვნახეთ, რომ ყველაფერი ყოველთვის მომენტებზეა დამოკიდებული. გუნდებს აქვთ კარგი და ცუდი მომენტები, მაგალითად, „არმინიას“. მათ სეზონი კარგად დაიწყეს, მაგრამ ახლა ჩვენ ცხრილში მათზე წინ ვართ. ამიტომაც კიდევ ერთხელ ვიტყვი: არ მგონია, რომ რომელიმე გუნდი ჩვენზე უკეთესი იყოს.

ვიცი, რომ კარგი სტატისტიკა მაქვს. თუმცა, ეს მთელი გუნდის დამსახურებაცაა. მიუხედავად ამისა, უნდა ვთქვა, რომ აქამდე არცერთ მეტოქესთან არანაირი პრობლემა არ მქონია. თუ ამდენ თამაშს მოიგებ, მაშინ ნამდვილად შეგიძლია აღზევებისთვის ბრძოლაში იყო. ზამთრის შესვენებამდე გადამწყვეტი კვირებია. მეტი ქულა გვჭირდება. შემდეგ კი ვნახოთ, სად ვიქნებით და კიდევ რა არის შესაძლებელი“, - თქვა ლუკამ.

შეგახსენებთ, რომ ლუკა ლოჩოშვილს II ბუნდესლიგის მიმდინარე სეზონში 12 მატჩი აქვს ჩატარებული. ის მე-13 ტურის სიმბოლურ ნაკრებში Kicker-ის ვერსიით მოხვდა.

„ნიურნბერგს“ 6-მატჩიანი წაუგებელი სერია აქვს, ზედიზედ მესამედ მოიგო და 18 ქულით მეცხრე ადგილზეა, ხოლო მომდევნო ტურში 29 ნოემბერს, „მაგდებურგთან“ სტუმრად ითამაშებს.