ხვიჩა კვარაცხელია ნეაპოლში დაბრუნდა, სადაც მას სამედიცინო შემოწმება ჩაუტარდა, რის შედეგადაც, „ატალანტასთან“ უახლოეს შეხვედრაში მოედანზე მისი გასვლა საეჭვოა.
როგორც „ნაპოლის“ ვებგვერდი წერს, კვარას მარცხენა ბარძაყის კუნთის დაზიანება აღენიშნება. ქართველმა ფეხბურთელმა დღეს მხოლოდ ინდივიდუალურად, სპორტულ დარბაზში ივარჯიშა.
ჯერჯერობით, არ არის გადაწყვეტილი შეძლებს თუ არა ხვიჩა ბერგამოს „ატალანტას“ წინააღმდეგ მოედანზე გასვლას. თუმცა, არაა გამორიცხული სათადარიგო სკამზე იყოს.
შეგახსენებთ, რომ ხვიჩა კვარაცხელია საბერძნეთთან შეხვედრის დამატებით დროში შეცვალეს, თუმცა, ტრავმა საგანგაშო არ არის. „ნაპოლი“ – „ატალანტას“ მატჩი 30 მარტს გაიმართება.
