სეზონის წინ ალბათ ბევრი ვერ წარმოიდგენდა, მაგრამ ფაქტია: „ვალენსიას“ ლა ლიგის ორი ტურის შემდეგ 6 ქულა აქვს!
„ღამურებმა“ საკუთარ მოედანზე „ლას პალმასი“ დაძაბულ ბრძოლაში 1:0 დაამარცხეს, 74-ე წუთზე პეპელუს მიერ გატანილი პენალტით. უნდა ითქვას, რომ რუბენ ბარახას გუნდს მეტოქემ პრობლემები ვერ შეუქმნა, გიორგი მამარდაშვილმა ერთადერთი ბურთი მოიგერია, მატჩის მიწურულს, 94-ე წუთზე, ისიც შორი მანძილიდან სუსტი დარტყმა.
გიორგიმ მიმდინარე სეზონში კარი მშრლად პირველად შეინახა და ორ მატჩში ერთი გოლი აქვს გაშვებული.
„ვალენსია“ 6 ქულით ლა ლიგას ამ დროისთვის ლიდერობს, ხოლო მეორე ტურში 27 აგვისტოს, „მესტალიაზე“ „ოსასუნას“ დაუხვდება.
