„ნანტის“ მთავარმა მწვრთნელმა ანტუან კამბუარემ „იუვენტუსთან“ მატჩის წინ კომენტარი გააკეთა. როგორც მან აღნიშნა, ისტორიის დაწერა და მომდევნო ეტაპზე გასვლა სურთ.

„გვინდა ისეთი რამ გავაკეთოთ, რაც აქ, ნანტში არასდროს უნახავთ: დავამარცხოთ და ასპარეზობას გამოვთიშოთ იტალიური გუნდი. დი მარია? „იუვეს“ ყველა მოთამაშე საუკეთესოთა შორისაა, იმედი მაქვს, რომ ხვალ არც ისე კარგად ითამაშებს. „იუვე“ ჩვენთან თუ წააგებს, თავს სასაცილო მდგომარეობაში ჩაიგდებს“, - აღნიშნა კამბუარემ.

შეგახსენებთ, რომ „ნანტისა“ და „იუვენტუსის“ მატჩი 23 თებერვალს, თბილისის დროით 21:45 საათზე გაიმართება. პირველი შეხვედრა ტურინში, ფრედ 1:1 დასრულდა.