„ჩელსის“ კვლავაც სურს „ბარსელონას“ შემტევის, პიერ-ემერიკ ობამეიანგის შეძენა. „ლურჯები“ გაბონელის დარწმუნებას ცდილობენ, ეუბნებიან, რომ მათთან ის მთავარი ფორვარდი გახდება და ხელფასიც სოლიდური ექნება - წერს Mundo Deportivo.
წინა დღეებში ეუხენიო ბოტასი, რომელიც ობამეიანგის „არსენალიდან“ „ბარსელონაში“ გადასვლის ტრანსფერზე მუშაობდა, კატალონიური კლუბის ხელმძღვანელებს: მატეუ ალემანის, რაფაელ იუსტეს და ხორდი კრუიფს შეხვდა.
თავის მხრივ, „ბარსელონას“ მთავარი მწვრთნელი, ჩავი ამბობს, რომ მიმდინარე სეზონში გაბონელის იმედი აქვს.
