ჩემპიონთა ლიგაზე კვიპროსული აპოელი გერმანულ “დორტმუნდს” უმასპინძლებს. აპოელ-ის მწვრთნელ გიორგიოს დონისს პრესკონფერენციაზე ჰკითხეს, თუ როგორ აპირებს გაბონელი პიერ-ემერიკ ობამეიანგის დაკეტვას:
“ობამეიანგი? მას გასახდელში თუ ჩავკეტავთ. როცა შენს წინააღმდეგ ასეთი ფეხბურთელები თამაშობენ, მათ აუცილებლად ექნებათ მომენტები. ეს ეხება ლეო მესის, კრიშტიანუ რონალდუს, ჰარი კეინსა და სხვებს. უბრალოდ, ვეცადოთ, რომ მომენტები რაც შეიძლება მცირე რაოდენობით ჰქონდეთ და კარგი იქნება, თუ ვერ გამოიყენებენ”.
