დორტმუნდის “ბორუსიას” ყოფილმა მწვრთნელმა ტომას ტუხელმა “ბაიერნი”, შესაძლოა, 2018 წლის ზაფხულში ჩაიბაროს. ამის შესახებ კარლ-ჰაინც რუმენიგემ განაცხადა.
“ტუხელი? – ყველაფერი შესაძლებელია მოხდეს. ჩვენ დავნიშნეთ იუპ ჰაინკესი, მაგრამ ეს არ ნიშნავს, რომ ზაფხულში ტუხელის მოსვლა გამორიცხულია”, - თქვა რუმენიგემ.
შეგახსენებთ, იუპ ჰაინკესმა “ბაიერნი” ცოტა ხნის წინ ჩაიბარა, თუმცა დროებით, 2018 წლის ივნისამდე. ტომას ტუხელის გარდა, გერმანიის ჩემპიონის მწვრთნელის პოსტზე იულიან ნაგელსმანის კანდიდატურაც განიხილება.