ფეხბურთი

21:12 | 16.09.2017 | ნანახია [] - ჯერ

გარეთ ბერი რაიან გიგზს გაუტოლდა და პრემიერლიგის რეკორდსმენი გახდა

“ვესტ ბრომვიჩ ალბიონის” ნახევარმცველი გარეთ ბერი რაიან გიგზს გაუტოლდა. საქმე ინგლისის პრემიერლიგაში ჩატარებული მატჩების რაოდენობას ეხება. ამჟამად ორივე ფეხბურთელის ანგარიშზე 632 პრემიერლიგური მატჩია და პირველ-მეორე ადგილებს ინაწილებენ.

თუმცა ეჭვგარეშეა, რომ 36 წლის ინგლისელი ფეხბურთელი მალე რეკორდის ერთპიროვნული მფლობელი გახდება. ბერიმ სარეკორდო ნიშნულს “ვესტ ჰემთან” შეხვედრაში მიაღწია (0:0).

გარეთ ბერის პრემიერლიგაში დებიუტი 1998 წლის 2 მაისს, “ასტონ ვილასა” და “შეფილდ უენსდის” მატჩში ჰქონდა. იქედან მოყოლებული ვეტერანი ფეხბურთელი ინგლისის ჩემპიონატში რეგურალურად თამაშობს.

632 შეხვედრა კი შემდეგნაირად ნაწილდება: “ასტონ ვილა” – 365 მატჩი, “მანჩესტერ სიტი” – 132 მატჩი, “ევერტონი” – 131 მატჩი და “ვესტ ბრომვიჩი” – 4 მატჩი.

აქვე წარმოგიდგენთ პრემიერლიგის ყველაზე სტაჟიან ფეხბურთელების ჩამონათვალს, რომელთაც ინგლისის მთავარ ლიგაში 500-ზე მეტჯერ უთამაშიათ:

1-2. რაიაინ გიგზი – 632

1-2. გარეთ ბერი – 632

3. ფრენკ ლამპარდი – 609

4. დევიდ ჯეიმსი – 572

5. გარი სპიდი – 535

6. ემილ ჰესკი – 516

7. მარკ შვარცერი – 514

8. ჯეიმი კარაგერი – 508

9. ფილ ნევილი – 505

10.სტივენ ჯერარდი – 504

11. რიო ფერდინანდი – 504

12. სოლ კემპბელი - 503.

0.127758