"მანჩესტერ იუნაიტედის" შვედი ფორვარდი ზლატან იბრაჰიმოვიჩი მოედანზე გასვლას იანვრამდე ვერ შეძლებს. აღნიშნული ინფორმაცია გუნდის მთავარმა მწვრთნელმა ჟოზე მოურინიომ "ლესტერთან" მოგებული (2:0) პრემიერლიგის მესამე ტურის შეხვედრის შემდეგ გაავრცელა.
ზლატანმა კლუბთან კონტრაქტი რამდენიმე დღის წინ გააფორმა. იბრაჰიმვოჩმა მძიმე ტრავმა გასული სეზონის დასრულებამდე მიიღო. პორტუგალიელის თქმით კი, სეზონის მეორე ნახევარში "მანჩესტერს" დიდი ძალა დაემატება.
