ქუთაისის "ტორპედომ" ორი შემტევი ნახევარმცველი დაიმატა: ლევან კუტალია და ვლადიმირ კორობკა.
კუტალია მართლაც კარგ სეზონს ატარებს და ქობულეთის "შუქურაში" საუკეთესო გახლდათ. უკრაინელ კორობკას რაც შეეხება, ფოთის "კოლხეთში" შარშან უფრო შედეგიანი იყო, თუმცა ცუდად არც წლეულს ირჯება.
შეგახსენებთ, "ტორპედო" ეროვნულ ლიგაში მეორე ადგილზეა და ლიდერ თბილისის "დინამოს" ექვსი ქულით ჩამორჩება.
