ჭიდაობა

10:28 | 10.07.2017 | ნანახია [] - ჯერ

სამბისტების ასტანური მოსავალი - 9 მედალი

საქართველოს სამბისტთა ნაკრებმა ასტანაში გამართულ პრესტიჟულ საერთაშორისო ტურნირზე - "პრეზიდენტის პრიზებზე" 7 ოქროს, 1 ვერცხლისა და 1 ბრინჯაოს მედალი მოიპოვა.

ყაზახურ ხალიჩაზე 16 ქვეყნის 200-ზე მეტი სპორტსმენი გავიდა და მამაკაცებსა და ქალებს შორის საპრიზო სამეულები 9-9 წონით კატეგორიაში შეივსო.

განსაკუთრებით შთამბეჭდავად საქართველოს მამაკაცთა ნაკრები გამოვიდა - 5 წონაში ოქროს მედალს სწორედ ქართველი სამბისტები დაეუფლნენ. პოდიუმის უმაღლეს საფეხურზე ლევან ბერბერაშვილი (52 კგ), ბექა ბერულავა (82 კგ), პაატა ღვინიაშვილი (90 კგ), დავით ლორიაშვილი (100 კგ) და ბექა ბერძენიშვილი (+100 კგ) ავიდნენ. მძიმე წონის ფინალი ქართული დაპირისპირებით დაგვირგვინდა და რეზო წულიკიძე ვერცხლის მედალს დაეუფლა. 52 კილოგრამში მოჭიდავე გიორგი მირუაშვილი კი ბრინჯაოს დასჯერდა.

ქალთა ნაკრების წევრთაგან კვარცხლბეკზე ნინო ოძელაშვილი (72 კგ) და ელენე ქებაძე (+80 კგ) ავიდნენ. ტურნირი ორივემ წაუგებლად ჩაამთავრა და ოქროს მედლები მოიპოვეს.

საქართველოს მამაკაცთა ნაკრებმა საერთო გუნდურ ჩათვლაში პირველი ადგილი დაიკავა. ქალთა გუნდი კი მესამეზე გავიდა.

0.134115