ფეხბურთი

12:45 | 6.07.2017 | ნანახია [] - ჯერ

ფიფას რეიტინგი: გერმანია სათავეში, საქართველოს +10

საქართველოს ეროვნულმა ნაკრებმა ფიფას რეიტინგში 10 პოზიციით წინ წაიწია. მსოფლიო ფეხბურთის მმართველმა ორგანიზაციამ განახლებული რეიტინგი დღეს გამოაქვეყნა და მასში ვლადიმირ ვაისის გუნდი 112-ე ადგილზეა. საქართველოს ნაკრებმა ივნისში ორი მატჩი გამართა: ამხანაგურ შეხვედრაში სენტ კიტსი და ნევისი 3:0 დაამარცხა, მსოფლიოს ჩემპიონატის შესარჩევ ტურნირში კი მოლდოვასთან სტუმრად 2:2 ითამაშა.

გასულ თვესთან შედარებით მნიშვნელოვანი ცვლილებებია პირველ ათეულში: რეიტინგს სათავეში კონფედერაციათა თასის გამარჯვებული გერმანიის ნაკრები ჩაუდგა, რომელმაც ბრაზილია და არგენტინა თითო პოზიციით დააქვეითა. 4-4 ადგილით წინ დაიწიეს პორტუგალიამ, შვეიცარიამ, პოლონეთმა და შესაბამისად, მე-4, მე-5, მე-6 პოზიციებზე განთავსდნენ, რეგრესი განიცადეს ჩილემ, კოლუმბიამ, საფრანგეთმა, ბელგიამ და ესპანეთმა.

რაც შეეხება მსოფლიოს ჩემპიონატის შესარჩევ ტურნირში საქართველოს ნაკრების მეტოქეებს, 7 საფეხურით დაქვეითდა უელსი და ამჟამად მე-20 ადგილზეა, ირლანდიამ 26-ედან 29-ე ადგილზე გადაინაცვლა, ავსტრიამ 35-ედან 37-ეზე, მათგან განსხვავებით წინსვლა აქვს სერბეთს, რომელიც 50-ედან 42-ე ადგილზე აღზევდა, მოლდოვამ სამი ნაბიჯით წინ, 158-ე პოზიციაზე აინაცვლა.

1. (+2) გერმანია — 1609 ქულა

2. (-1) ბრაზილია — 1603

3. (-1) არგენტინა — 1413

4. (+4) პორტუგალია — 1332

5. (+4) შვეიცარია — 1329

6. (+4) პოლონეთი – 1319

7. (-3) ჩილე – 1250

8. (-3) კოლუმბია – 1208

9. (-3) საფრანგეთი – 1199

10. (-3) ბელგია — 1194

...

20. (-7) უელსი - 922
29. (-3) ირლანდია - 816
37. (-2) ავსტრია - 723
42. (+8) სერბეთი - 713
112. (+10) საქართველო - 290
158. (+3) მოლდოვა - 154

რეიტინგი სრულად

0.118001