სარეკლამო ადგილი - 3
227 x 91
ძიუდო

21:50 | 1.07.2017 | ნანახია 3711 - ჯერ

ლაშა ბექაურმა და სოფიო სომხიშვილმა ევროპის ოქროები მოიპოვეს

კაუნასში მიმდინარე ევროპის ჩემპიონატზე ჭაბუკ ძიუდოისტთა შორის, ინდივიდუალური პირველობა ვაჟთა და გოგონათა შორის მედლების დარჩენილი 4-4 კომპლექტის გათამაშებით დასრულდა და კვარცხლბეკის უმაღლეს საფეხურზე 2 ქართველი ძიუდოისტიც ავიდა. ევროპის ჩემპიონის ტიტულს ლაშა ბექაური (73 კგ) და სოფიო სომხიშვილი (+70 კგ) დაეუფლნენ.

ბექაურმა ფინალის გზაზე ლატვიელი რენარს ჰანსი, ებრაელი ორენ აძულაი, რუსეთის ნაკრების წევრი ნოვრუზ ნოვრუზოვი და თურქი მუჰამეტ კოჩი ჩამოიცილა. გადამწყვეტ შეხვედრაში კი იტალიელი კენი კომი ბედელი დაჩაგრა - სამწუთნახევარში ოთხი ვაზარი შეუსრულა, ხოლო შემდეგ სუფთად მოუგო.

სოფიო სომხიშვილი ამ ასაკობრივ ჯგუფში, ევროპირველობის ფინალში ზედიზედ მეორედ გავიდა. შარშან მიზნამდე ერთი ნაბიჯი დააკლდა. ამჯერად კი უნაკლოდ იჭიდავა – ლიტვურ ტატამზე ოთხი შეხვედრა ჩაატარა და ოთხივე ორ წუთზე ნაკლებში მოიგო. პოლონელ ალექსანდრა გაჟს წუთსა და 38 წამში შეუსრულა იპონი, ჰოლანდიელ მარიტ კამპსს – წუთსა და 52 წამში, ხორვატ ჰელენა ვუკოვიჩს – წუთსა და 47 წამში, რუს დარია ვლადიმიროვას კი წუთსა და 8 წამში.

დღესვე, საქართველოს ვაჟთა ნაკრებმა თითო ვერცხლისა და ბრინჯაოს მედალიც მოიპოვა. მიხეილ ბექაურმა (90 კგ) მეორე საპრიზო ადგილი დაიკავა, ლევან ჭელიძე (+90 კგ) კი ბრინჯაოს დასჯერდა. ფინალურ ბლოკში ილია სულამანიძე (81 კგ) და მარიამ ჭანტურიაც (63 კგ) მოხვდნენ. ორივემ რეპეშაჟის ფინალში იჭიდავა, მაგრამ დამარცხდნენ და ევროპირველობა მე-5 ადგილით დაასრულეს. გოჩა ღვაჩლიანმა (81 კგ), გიორგი კარიაულმა (90 კგ), ალექსი სვიანაძემ (+90 კგ), თინათინ რევაზიშვილმა (57 კგ), ინდირა სილაგაძემ (63 კგ) და სალომე მაყიშვილმა (+ 70 კგ) კი შეჯიბრებაზე გამოსვლა დილის პროგრამით დაასრულეს.

ევროპის 2017 წლის ჩემპიონატი ხვალ, გუნდური შეჯიბრებით დასრულდება.

სარეკლამო ადგილი - 25
710 x 104
Loading...

კომენტარები (9)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
14:11 | 02.07.2017
uchimata (342)

სრული კრახი გოგოების. მერე რა რომ წააგეს, ალბათ ვერც მოუგებდნენ სერბებს, მაგრამ პარტერში ჭიდაობას საერთოდ არ ასწავლიან? როგორ სამარცხვინოთ მოყვნენ მტკივნეულზე.ჭანტურიამ კიდე ბრუნის არ ცოდნით წააგო ეს ჩემპიონატი.

12:43 | 02.07.2017
beso68 (2537)

გამარჯობათ, ბიჭებმა ადვილად მოიგეს ბერძნებთან 5-0, გოგონებს წარმატებებს ვუსურვებ.
პატარიძე გამოდის კლასიკოსებში ა ხალიჩაზე
https://unitedworldwrestling.org/ru/node/3060

12:52 | 02.07.2017
beso68 (2537)

მოუგო თურქს პატარიძემ 8-0

01:44 | 06.07.2017
mushni (71541)

გაუპია ზვიადიას სიმონADDD

12:03 | 02.07.2017
hendrixa (87)

გაუმარჯოს, გოგონები როდის გამოვლენ?

10:59 | 02.07.2017
dixdavid (444)

რაც ყველაზე მეტადაა გასახარი - გოგონების კარგი თაობა წამოვიდა. დარწმუნებული ვარ, შესაბამისი ხელშეწყობის პირობებში, ქალები კიდევ უფრო დიდ წარმატებებს მიაღწევენ, ვიდრე კაცებს აქვთ.
ჭიდაობა ჩვენ გენში და ჯიშში გვაქვს და ქართველი ქალები რომ არავისზე ნაკლები არ არიან, ეს ყველამ ვიცით.

09:55 | 02.07.2017
ogafa (4722)

ყოჩაღ

03:18 | 02.07.2017
mushni (71541)

=1

01:30 | 02.07.2017
პანტელეიმონი (3250)

+1

00:05 | 02.07.2017
beso68 (2537)

ადმინ ეხლა კარგი იყო, დროულად გქონდა სტატია დადებული, ჩაგეთვალა.
კომენტარების არქონას ნუ მიაქცევ ყურადღებას, სტატია იყოს მთავარი დროული.
ვულოცავ კიდევ ერთხელ ჩვენ მოჭიდავეებს დღეს წარმაებით გამოსვლას და ვუსურვებ ხვალინდენი დღე იგივე წარმატებით გაეგრძელებინოთ.
არა და არ დებენ აქამდე იპპონ.ორგ-ზე(უკვე რამდენი ხანია) ძიუდოისტების გუნდური ბადეს,
სანამ დადებენ ჩვენი ბიჭების ბადე https://www.facebook.com/europeanjudo/photos/pcb.10155479099396912/10155479088291912/?type=3&theater
გოგონების ბადე https://www.facebook.com/europeanjudo/photos/pcb.10155479099396912/10155479088296912/?type=3&theater

03:19 | 02.07.2017
mushni (71541)

საღოლ ბესო

23:55 | 01.07.2017
BEERTRANCE (94348)

ყოჩაღ

სარეკლამო ადგილი - 4
250 x 250
სარეკლამო ადგილი - 9
250 x 250
სარეკლამო ადგილი - 22
250 x 250
0.131361