ტურინის “იუვენტუსის” მცველმა ლეონარდო ბონუჩიმ ფინალში “რეალთან” 1:4 მარცხის შემდგომ გულდაწყვეტით თქვა, რომ “ბებერი ქალბატონის” გამარჯვებას იმედოვნებდა.

“იუვენტუსი” იმედგაცრუებულია. ვიმედოვნებდი, რომ გავიმარჯვებდით. ვფიქრობდით, ჩვენი დრო დადგა, თუმცა სამწუხაროდ ეს ასე არ აღმოჩნდა. კომპლიმენტები ჩემგან “რეალს”.

“ვამაყობ ჩემი გუნდით და იმ გულშემატკივრებით, რომლებიც ყოველთვის ჩვენს გვერდით არიან გამარჯვებისა თუ დამარცხებიდ დროს. ჩვენ ორი მნიშვნელოვანი თასი მოვიპოვეთ, მაგრამ ლიგის თასი ჩვენთვის აუხდენელ ოცნებად დარჩა”, - თქვა ბონუჩიმ.